ejamene
kikiriki - shqip me fëmijë është emisioni i parë i këtij lloji për fëmijët shqiptarë kudo në botë. Ne kemi për qëllim t’ua sjellim gjuhën shqipe sa më pranë fëmijëve të Diasporës.
Ky emision krijohet në Vjenë në ambjentet e studios së Radio Orange.
Emisioni krijohet dhe drejtohet bashkë me fëmijët shqiptarë në Vjenë dhe dëgjohet në mbarë botën.
Flasim shqip në radio, përsërisim dhe mësojmë fjalë sipas temave të ndryshme gjatë vitit dhe
krijojmë fjalorin e parë në botë shumëgjuhësh në radio: shqip-gjermanisht-anglisht. Këtu dëgjoni intervista interesante, barcoleta, kuriozitete, tregime, gjëegjëza etj.
Fëmijë të dashur! Prindër të nderuar! Ejani të gjithë!
Takohemi online në Radio Orange 94.0 të dielën e dytë muajit në orën 11:00-12:00.
Emisionet tona mund t‘i dëgjoni sa herë të dëshironi në arkivin e Radio Orange – edhe përmes faqes sonë të internetit, më lart në rubrikën “Emisionet”.
Eja me ne!
Përshëndetje fëmijë!
Unë jam gjeli Kiki.
Sa i bukur ky emisioni në radio! Unë u kënaqa shumë këtu! Po ti?
Na shkruaj në: kikiriki[at]o94/.\at
Rreth meje:
E ke dëgjuar emisionin „kikiriki-shqip me fëmijë”? Fëmijët shqiptarë në Vjenë krijojnë bashkë me Desarën një emision shumë të dashur për fëmijë - edhe unë jam aty tashmë mes fëmijëve e mahnitem kur i shoh duke përgatitur emisionin dhe kur i dëgjoj tek flasin në radio, tregojnë barcoleta, bëjnë intervista, mësojnë shkronjat e alfabetit të gjuhës shqipe dhe qeshin e kënaqen shumë me njëri-tjetrin. Madje ata bëjnë edhe një fjalor në radio në tri gjuhë: shqip-gjermanisht-anglisht, si dhe krijojnë vetë muzikë ritmike dhe këndojnë para mikrofonit. Sa të zotë që janë!
Eja edhe ti me ne! Do kalojmë bukur të gjithë bashkë!
Na dërgo një përshëndetje ose një kuriozitet apo barcoletë e gjëegjëzë në adresën: kikiriki[at]o94/.\at
Kjo është shumë e thjeshtë:
-
Regjistroje veten në celular në aplikacionin “voice recorder”
-
Na e dërgo materialin në adresën e e-mail-it tonë: kikiriki[at]o94/.\at
-
Materiali do të jetë pjesë e emisionit të ardhshëm. Kështu u bëre edhe ti një reportere ose reporter i emisionit tonë në Radio Orange
